Algengar spurningar

Hvernig virkar leiguferlið?

Ekkert öðruvísi en að versla vöru í hefðbundinni verslun eða á netinu - nema vörunni er skilað aftur eftir að hafa notið hennar!

Notendur SPJARA eru hjartanlega velkomnir til okkar á opnunartíma til að skoða úrvalið og máta og leigja á staðnum. Ekki er nauðsynlegt að bóka tíma bara droppa við. 

Ef þú pantar í gegnum vefsíðuna www.spjara.is skoðar þú lausar dagsetningar og leggur inn pöntun með því að velja “Add to cart,” velja hvenær þú vilt sækja og skila og fara síðan í “checkout”. Ef þú vilt getur þú bætt við tryggingargjaldi kr 1750.-  sem dekkar minniháttar skemmdir og bletti.

Þá færðu sendan tölvupóst með greiðsluupplýsingum og getur greitt með millifærslu eða KASS. Flíkin er frátekin í sólarhring meðan þú gengur frá greiðslu.

Að lokum sækir þú flíkina í stúdíóið okkar við Hallgerðargötu 19-23, 105 Reykjavík nýtur þess að ganga í henni og skilar aftur að leigutíma loknum. Við sjáum um þrif og allt vesenið!

Opnunartími SPJARA er:

• Mánudagar 12:00-17:00
• Þriðjudagar 12:00-17:00
• Fimmtudaga 12:00-17:00
• Föstudaga 12:00-16:00 

Hvernig skila ég SPJARA flík?

Þú skilar á sama stað og þú sóttir að leigutíma loknum. Við tökum við flíkum á opnunartímum okkar á Hallgerðargötuna.

Er hægt að koma og máta? 

Það er velkomið að koma, skoða og máta hjá okkur á Hallgerðargötu 19-23 hvenær sem er á opnunartíma og við aðstoðum við að finna flík sem þér líður vel í.

Hvað ef ég panta flík en hún passar ekki?

Þér er velkomið að máta þegar þú sækir til að vera viss um að þér líði vel í flíkinni. Ef hún passar ekki aðstoðum við þig við að finna flík sem passar betur.

Við endurgreiðum ekki flíkur sem eru leigðar og ekki notaðar á leigutímanum, því hvetjum við alla til að máta. 

Hvað stærðir eru þið með?

Við bjóðum upp á fjölbreyttar stærðir og stefnum á að auka  við úrvalið þannig að öll  geti fundið eitthvað við hæfi. Hægt er að sjá stærðir í boði í textalýsingu fyrir hverja vöru og einnig er hægt að stilla leit eftir sérstökum stærðum. Við bjóðum upp á vörur í stærðum XS upp í XXL. Stærðir eru oft mismunandi eftir sniðum, efnum og merkjum, mælum með ef tök eru á, að máta. 

Hvernig virkar tryggingargjaldið?    

Tryggingagjaldið dekkar meiriháttar blettahreinsun á flíkum eða lagfæringum á minniháttar skemmdum ef til þess kemur, saumsprettu og annað slíkt. Tryggingagjaldið fæst ekki endurgreitt.

Við mælum eindregið með því að notendur velji að greiða tryggingagjaldið því að öðrum kosti ber notandinn alfarið ábyrgð á öllum kostnaði vegna viðgerða, bletta eða skemmda sem kunna að verða við notkun á flík. SPJARA áskilur sér rétt til að innheimta þann kostnað að fullu.

Hvað gerist ef flík skemmist?

Óhöpp gerast og eru óhjákvæmileg þegar við notum föt. Lausar tölur eða bilaður rennilás, við reddum því. Saumsprettur eða erfiðari bletti dekkar tryggingagjaldið. Ef flík skemmist og er óleiguhæf áskiljum við okkur rétt til þess að innheimta kostnað sem nemur endurnýjunarverði vörunnar. 

Hvað ef flíkin týnist?

Ef flík týnist, eyðilegst eða er stolin meðan hún er í vörslu notanda áskiljum við okkur rétt til þess að innheimta endurnýjunarverð vörunnar samkvæmt ákvörðunum SPJARA.

Þarf ég að hreinsa flíkina áður en að ég skila henni?

Nei, við sjáum um að hreinsun á flíkinni. 

Hvernig eru flíkur hreinsaðar á milli leiga ?

Það er okkur hjartans mál að hreinlæti sé fullnægjandi og að flíkurnar séu í sem næst fullkomnu ástandi þegar að þær fara til næsta notanda. Við ýmist handþvoum flíkurnar með mildum náttúrulegum sápum eða setjum í hreinsun. Aðalhreinsir Drífa ehf. þvottastöð vinnu með okkur og hreinsar þær flíkur sem þurfa þurrhreinsun, erfiða bletti sem og aðra hreinsun.

Hvað gerist ef ég skila flíkinni of seint?

Flestar flíkur eru að fara strax aftur til næsta notenda og við þurfum tíma til að hreinsa á milli. Það er því mjög mikilvægt að skila flíkum á tilsettum tíma.

Við áskiljum okkur rétt til þess að rukka daggjald sem nemur 2900 krónur fyrir hvern dag sem skilað er of seint umfram umsamdann leigutíma. 

Er hægt að leigja fleiri en eina flík í einu?

Algjörlega! Það er meira segja nokkuð algengt. Við erum einnig með úrval af fylgihlutum og yfirhöfnum sem er tilvalið að taka með.